“Plehra buzë kopshteve dhe bizneseve”/ Kandidati i PD-së në Bashkinë e Durrësit jep premtimin: I japim fund kësaj situate

Kandidati i Partisë Demokratike për bashkinë e Durrësit, Luan Hoti premton se do t’i japë zgjidhje problemit të plehrave në qytetin bregdetar.

Ai ka postuar në rrjetin e tij social Facebook, një video afër një kazani plehrash i cili duket i tejmbushur, madje shumë mbeturina ishin jashtë saj.

Sipas Hotit, kjo është ajo që ofron bashkia aktuale, teksa premton se do i japë fund kësaj situate.

Postimi i Luan Hotit:

Pas 6 marsit nuk do ketë më plehra jo vetëm buzë kopshteve e bizneseve po në asnjë cep të Durrësit tonë! Në shërbim të qytetarëve. Bashkë për Durrësin!